اۉزبېک تیلیده تورلی فنلر بۉییچه هر قندهی متننی بو یېردن قۉلگه کیریته آلهسیز.
هر خیل کتاب، مقاله، شعر، حکایه، رومان، ... بو یېرده جمعلنگن.
یاش خاتین نینگ جفاسی
حکایه
یازووچی: صادق هدایت
الفبا اۉگیرووچی: محمد حسن تۉلقین
کېچ توشیب قالگن، تاغلر آرهسیدهگی قۉرغان یانیده، معجزگینه قهوهخانه حاولیسیده، توت سایهسیدهگی یاغاچ تختده ایکّی کیشینیگینه کۉریش ممکن اېدی. گراموفوندن دلربا موسیقه ترهلردی.
قهوهچی اېسه اولردن انچه نریده، سماوارگه اۉتین قهلش بیلن آواره. توت سایهسیدهگی مصاحبلرنینگ بیری آزغین، کۉزلری ایچ - ایچیگه باتگن، چۉقّیساقال قرییه مشهدی شهباز قلندر صفت، یوزیدن هارغینلیگی سېزیلیب تورگن صحبتداشی میرزا یدالله گه معنی بېرر اېدی. بیر قرهشده اولر نینگ ینگی، تصادفی تنیشلر اېکنینی سېزیش ممکن.