آزراق سوو تاپیب شو یره‌دارنینگ آلدیگه کېلدی. باشینی استه‌‌گینه کۉتریب، سوونی ایچتیرماقچی بۉلدی. یره‌دار مسلمان دوداغینی سووگه یېتکوزر چاغده باشقه‌ یاقدن «آه… سوو!..» دېگن اۉزگه‌ بیر تاووش کېلدی. یره‌دار سوو کېلتیرگن خاتینگه دېدیکی:

- بو سوونی مېندن بورون شو تاووش اېگه‌سیگه اېلتیب بېر. بیر یۉلداشیم یره‌لنیب سووسَب یاتر اېکن، مېن ایچالمه‌یمن.

خاتین سوونی ایکّینچی یره‌دارگه آلیب باردی. او هم سوونی ایچه‌یین دېب تورگن چاغیده «آه… سوو!..» دېگن ینه‌ بیر تاووش اېشیتدی، خاتینگه دېدیکی:

- شو یۉلداشیم سووسیز اېکن، مېن ایچالمه‌یمن، بېر سووینگنی شونگه. خاتین سوونی اوچینچی یره‌دارگه یېتکزدی. او سوونی ایچه‌یاتگنده بیرینچی یره‌دار نینگ «آه… اۉلدیم… سووسیزلیکدن» دېگن تاووشی کېلدی. بو هم خاتینگه:

- سووینگنی مېندن بورون شو تاووش اېگه‌سیگه بېر! – دېدی و اۉزی ایچمه‌دی. خاتین ینه‌ قَیتیب بیرینچی یره‌دارنینگ آلدیگه کېلسه، بې‌چاره‌ نینگ اۉلیب یاتگنینی کۉردی. ایکّینچی یره‌دارنینگ آلدیگه باردی، او هم اۉلیب یاتگن اېکن. اوچینچی یره‌دار هم سووسیزلیکدن اۉلیب قالمه‌سین دېیه یوگوریب کېتدی:

-اې‌، واه‌!.. بو هم اۉلیب قالیبدی! - دېب سوونی تۉکدی.

مسلمانلرنینگ اۉلیم چاغیده هم بیر- بیرلرینی قنچه‌لیک سېویشلرینی اۉیلب کۉز یاش قیلدی.