منگو پیدیا
اۉزبېک متنی بۉییچه اېنگ کتـّه منبع
مقاللر
238
آغزه‌کی ادبیاتیمیز دُردانه‌لریدن
مقاللر
تۉپلاوچی: محبوب الله توران
- خدا بېرسه، سۉره‌مه‌یدی سېن کیم‌سن.
- صبر اچـّیق، شیرین سووی بار.
- حلوانی حکیم یېر، قمچینی یېتیم.
- حلوا دېگن بیلن آغیز شیرین بۉلمس.
- اوّل بختینگ، سۉنگره تختینگ.
- خاتین‌نینگ یخشیسی دولت، یامانی صولت.
- کونتی باله باشیده کونده بیره‌م.
- بیر هۉکیز بیلن قۉش بۉلمس، بیر گل بیلن بهار.
- تاپگن قووانر، تـَنیگن آلر.
- ظالم ایشی جفا، عالم ایشی وفا.
- اۉزینگده بۉلمسه، عالمده یۉق.
- غرور غربت کېلتیرر.
- اۉسیراق کۉتدن کېتر، ارپه نانی بهانه.
- کتـّه‌نینگ اویالگیسی کېلسه باله‌گه تېگیشه‌دی، باله‌نینگ تیاق یېگیسی کېلسه کتـّه‌گه تېگیشه‌دی.
- یخشی اۉزیدن بیلر.
- طلا دېب توتدیم مس چیقدی، ملا دېب توتدیم پېس چیقدی.
- بلیق بلیقنی یخشی کۉرر، بلیقخۉر ایکـّاوینی.
- دهقان سېپگنینی آلر، چۉپان باققنینی.
- سوو آققند اریقدن ینه سوو آقر.
- زۉر زۉردن قۉرقر، کمزۉر ایکـّاویدن.
- تېز چاپگن تېز ییقیلر.
- بای اۉلسه ذاتی قالر، غریب اۉلسه آتی.
- یاتیب قالگونچه آتیب قال.
- غالب بۉلگن مغلوب هم بۉلر.
- نادان بیلن سرداش بۉلمه، یامان بیلن یۉلداش بۉلمه.
- نامبارک آدم‌نینگ قدمی دریالرنی قوریتر.
- ناموس، انسانلر خون‌بهاسی.
- بیر ییگیت قیرق ییلده میدانگه کېله‌دی.
- باله ییغلـَمسه آنه سوت بېرمس.
- تازه‌لیک، ساغلیک‌نینگ ضامنی.
- تۉیگه بارسنگ تۉییب بار، یامانلیغینگ قۉییب بار.
- تیلگه خذمت – اېلگه خذمت.
- جاهل دۉستینگ اۉلگونچه، عالم دشمنینگ اۉلسین.
- همکارلیکده حکمت کۉپ.
- یخشی خاتین اېریدن چیقمه‌یدی، اېریدن چیقسه هم اېلیدن چیقمه‌یدی.
- وقت – آقر دریا.
- تاپگن آدم، قارنینی اورسین.
- کۉپ گپیرگندن قۉرق.
- یۉل عذابی – گۉر عذابی.
- کاساو اوزون بۉلسه، قۉل کویمس.
- ایگنه زیان بۉلر.
- خاتین توتوملیک بۉلمسه، اېر هیچ.
- بۉرینیکی اۉرته‌ده، تولکینیکی خلته‌ده.
- یکـّه قرغه‌نینگ یاری یۉق، یکـّه آت‌نینگ چنگی یۉق.
- بیر شپـّات بیلن یوز بېت آغرییدی.
- شمال بۉلمسه درخت یاله‌سی قیمیرده‌مه‌یدی.
- بې‌وقت قیچقیرگن خۉرازنینگ تاجینی کېس.
- یامان‌نینگ آشی یوزیده.
- آز ایشدن کۉپ ایش توغیلر.
- آز بۉلسین، ساز بۉلسین.
- آز گپیر، کۉپ تینگله!
- آزگه قناعت قیلمه‌گن کۉپگه هم قناعت قیلمس.
- آزگینه آشیم، آغریق‌سیز باشیم.
- آز یېب کۉپ شکر قیل!
- تېمه‌چه قیلمه بایگه، کۉتینگ تېگه‌دی لایگه.
- کۉت بېرسنگ، دېوار گپیره‌وېره‌دی.
- آق تاووق سامان ساچر، اۉز کۉتینی اۉزی آچر.
- یۉق‌نینگ باش‌سریسیگه اۉلگونچه، بارنینگ آیاق‌سریسیگه اۉلگن یخشی.
- قرغه‌سم یالغیز، قرغـَمه‌سم یالمانغیز.
- تېنتک کۉپ، اویی باشقه.
- اېل‌نینگ آغزیده اېلک توتیب بۉلمس.
- اېر هیبتلی بۉلسه، خاتین اویاتلی بۉلر.
- اېر و خاتین – قۉش هۉکیز.
- آته تـَنیمه‌گن، تېنگرینی هم تـَنیمس.
- آته-آنه دعاسی، اۉتگه-سووگه باتیرمس.
- آته-آنه سووگه تشلسه آقمس، آلاوگه تشلسه یانمس.
- آته-آنه دولتینگ، اۉغیل-قیزینگ صولتینگ.
- آته‌نگ قرّیسه قـُل آلمه، آنه‌نگ قرّیسه چۉری آلمه!
- آتینگ باریده یۉل تـَنی، نانینگ باریده دۉست تـَنی!
- آتین قاقسنگ قـَشیب باق، یېمنی یېمگه قۉشیب باق!
- آته‌نگنی کۉرسینگ آتدن توش!
- آته‌نگ یاوی دۉست بۉلمس.
- آت تاپگونچه تای مینگین!
- آت قازیغیگه قره‌ب اۉینر.
- آت مینگن آته‌سیگه قره‌مس.
- آله اېککن آز آلر، رسا اېککن ساز آلر.
- آزادلیک – آبادلیک.
- اېشیک آچیق بۉلسه هم سۉره‌ب کېر!
- بیلیم کوچده، کوچ بیلیمده.
- آت، ییگیت‌نینگ قناتی.
- اېلگه قۉشیلگن آبرو تاپه‌دی.
- بیراوگه چوقور قازسنگ، اۉزینگ ییقیله‌سن.
- بو گونگی ایشنی اېرته‌گه قۉیمه!
- عالم بۉلسنگ عالم سېنیکی.
- پاده‌بان قۉیبارسه هم، پاده اېگه‌سی قۉیبارمه‌یدی.
- آچ یېسه تۉق تۉیر.
- آسان ایشگه همه عاشق.
- بیر درخت بیلن کۉکلم بۉلمس.
- آچیق اېشیک عزت تاپر.
- اۉزیم قیلدیم، اۉزیم کۉردیم.
- باتیر اۉلسه آتی قالر.
- منتلی عسلدن کۉره، منت‌سیز کسل یخشی.
- یخشی آشینی یېیدی، یامان باشینی.
- آت اَیله‌نیب قازیغینی تاپر.
- آتی کتـّه، قیشلاغی ویران.
- یېب تۉیمه‌گن، یـَلب هم تۉیمس.
- یامان بیلن یاتمه، اېرته توریب ایتمه.
- نو کیسه‌دن قرض قیلمه، قرض قیلسنگ هم خرج قیلمه.
- یخشیدن شرافت، یاماندن کثافت.
- تۉرتاو گـُل بۉلسه تېپه‌ده‌گینی اېندیرر، آلتاو آله بۉلسه آغزیده‌گینی آلدیرر.
- ایش اشتها آچر، تنبل ایشدن قاچر.
- شیرین سۉز شکردن شیرین.
- گپنی کم سۉزله، ایشنی کۉپ کۉزله!
- راستگۉی‌نینگ باشینی قیلیچ کېسمس.
- آزادلیک، بختیارلیک‌دیر.
- آنه‌نینگ حقی توگنمس.
- انسان‌نینگ محنتی آلتین‌دیر.
- دریا سووینی بهار تاشیرر، آدم قدرینی محنت آشیرر.
- آدم اۉز قدرینی محنتده تاپه‌دی.
- بلبل چمننی سېور، انسان وطننی.
- کۉپ اۉقیگن کۉپ بیلر.
- بې‌انصافنی بۉری یېیدی.
- تولکینی شکار پـَیتیده پۉقی توتر.
- باغینگده کۉر، تاکینگگه آس!
- آلاو آته-آنه تـَنیمس.
- آته-آنه‌نگ بۉلسین، آغیز-بورنی بۉلمه‌سین.
- ناشکرگه تاش یاغر.
- بار تاپدیم بارجای تاپمه‌دیم، بارجای تاپدیم بار تاپمه‌دیم.
- ینگیلیک کۉرکملیک، یامانلیق کۉرمه‌یلیک.
- کۉپدن گپ آرتر، آزدن آش آرتر.
- تېگیشمه‌گین یامانگه، آخر قۉیر زیانده!
- بیر بېرگنگه مینگ بېرر.
- اوّل اېلتگن (یوتگن) قان سییر.
- درخت مېوه‌سیدن بیلینر، انسان اخلاقیدن.
- انسان‌نینگ بویوک صفتی اخلاق‌دیر.
- آچیق سۉز آره آچر.
- او گۉرنی گۉر دېمه ایچیده تپور-توپوری بۉلمسه.
- کوچیک هیچ قچان تۉقدن تۉیمه‌یدی.
- فاسقدن حیا تیلـَمه، ظالمدن وفا.
- حیاسیزده شرم یۉق.
- حلال محنت – یخشی عادت.
- ایشله‌گن خوار بۉلمس.
- تن ساغلیک – تومن بایلیک.
- دهقان بۉلسه حیات آباد بۉلر.
- تاغ هر قنچه بلند بۉلسه هم اوستیده یۉلی بار.
- اوزاق بۉلسه هم تۉغری یۉلدن یور.
- ظلم‌کارنینگ بقاسی یۉق.
- یامان‌نینگ عمری قیسقه بۉله‌دی.
- کۉر جانینی ساغ تاپه‌آلمس، ساغ جانینی کۉر.
- شونچه قیلدیم ارغوشتک، ایشتان کییدیم بې‌خشک.
- اۉقیگن اۉقدن اوزر.
- علم عقل‌نینگ چراغی.
- بیرلشگن اوزر، بیرلشمه‌گن توزر.
- یخشی باله گل‌بتـّه‌نینگ گلی‌دیر، یامان باله تیکنلرنینگ کولی‌دیر.
- بهارگی حرکت – کوزگی برکت.
- گپ بیلن شاشمه، ایش بیلن شاش!
- کتـّه‌گه حرمتده، کیچیککه عزتده بۉل!
- آته یورتینگ – آلتین بېشیگینگ.
- یازگی محنت – قیشگی راحت.
- یازده ایشله‌سنگ، قیشده تیشله‌یسن.
- یاز قاقیسی قیشده داری.
- محنت، محنت‌نینگ تگی راحت.
- محنت زېب و زینتینگ.
- یېر هـَیده‌سنگ کوز هـَیده، کوز هـَیده‌مه‌سنگ یوز هـَیده.
- سوداگه قالب بۉلمس.
- یخشیلیک یېرده قالمس.
- ایشله‌گن خوار بۉلمس.
- ایشله‌گن تیشله‌یدی، ایشلـَمه‌گن کیشنه‌یدی.
- بیرلشگن کوپ یېنگیلمس.
- کوچ بیرلیکده‌دیر.
- محنت قیلسنگ راحت تاپه‌سن.
- اۉرتن بېلینگ تۉق بۉلسه، ایکـّی قۉلینگ شۉخ بۉلر.
- بېک‌ده‌ی یې، قـُل‌ده‌ی ایشله!
- قیمیرده‌گن قیردن آشر.
- مېن بۉلمه‌سم قاریغینگ، هر یاققه قاچر یاریغینگ.
- قوروق تاواققه فاتحه بۉلمس.
- مِس قازانگه لای تاواق.
- هر نرسه کۉپ بۉلسه بهاسی کم بۉلر.
- محنتلر گرچند آغیر، اما دلده اشتیاق.
- دشمنینگ پشـّه بۉلسه هم اندیشه‌سیز بۉلمه!
- سوو قتـّیق یېرده تۉختر.
- بې‌نماز – قاره قۉنغیز.
- مسجدنی اۉی، کۉپریککه قۉی!
- قطره-قطره دریا بۉلر.
- اویینگ کیچیک بۉلسه هم کۉنگلینگ کېنگ بۉلسین.
- پولینگ کیسـّه‌نگده، عقلینگ کلـّه‌نگده.
- همسایه همسایه‌نینگ بازاری.
- حسابلی دۉست اَیریلمس.
- سِرینگنی حتی یخشی دۉستینگگه هم اَیتمه!
- یخشی یۉلیدن تاپر، یامان فعلیدن.
- حسابنی بیلمه‌گن هم یاندن اَیریلر.
- دهقان آسمانگه قره‌ب یخشی هوادن قووانسه، یېرگه قره‌ب مۉل حاصلدن سویونه‌دی.
- آلتین اۉتده بیلینر.
- محنت یېرده قالمس.
- درخت بیر یېرده کۉکره‌دی.
- یخشیگه اییک اَیله‌شور، یامانگه تیکن.
- یخشی سۉزگه قولاق سال، یامان سۉزگه اولاق سال!
- اېگری کلتککه اېگری تۉقماق.
- بدبخت‌نینگ تیشی حلواگه سینر.
- حق سۉز حق یۉلنی تاپر.
- اۉزینی بیلمه‌گن حقنی بیلمس.
- حالینی بیلگن خوار بۉلمس.
- بیر اۉق بیلن ایکـّی قویاننی اوریب بۉلمس.
- زمانه ظلمنی یاقتیرمس.
- حاکم بۉلسنگ خلقنی بیلگین!
- یخشی سۉز فیلنی هم یۉلگه سالر.
- زر قدرینی زرگر بیلر.
- تاغ و تاشنی سېل بوزر، اېل آره‌سینی سۉز بوزر.
- آزنی بیلمه‌گن، کۉپنی هم بیلمس.
- بیرلشگن، یاونی قـَیته‌رر.
- آدم قۉلی چۉلنی هم بوستان قیلر.
- درختنی یېر کۉکرتیره‌دی، آدمنی اېل کۉکرتیره‌دی.
- بلیق‌نینگ تیریکلیگی سوو بیلن، دهقان‌نینگ تیریکلیگی یېر بیلن.
- ایش بیلن کیشی‌نینگ مشکلی بیتر.
- ایشلب تاپگن‌نینگ آشی لذتلی.
- ایشله‌گن‌نینگ آغزی آشگه تېگر، ایشلـَمه‌گن‌نینگ باشی تاشگه تېگر.
- سوو اېکین‌نینگ قانی، محنت اونینگ جانی.
- آداب، آدم‌نینگ زېب و زینتی.
- چقیریلگن یېرنینگ اوزاغی یۉق.
- کۉپ سۉزنینگ آزی یخشی، آز سۉزنینگ اۉزی یخشی.
- کۉپنی یامانله‌گن کۉمیلر.
- مردانه ایشله‌دیک، آلغه سیلچیدیک.
- ایشله‌گن‌نینگ آغزی اۉینر، ایشلـَمه‌گن‌نینگ کۉزی.
- کۉپ گپ قولاققه یاقمس.
- کۉپدن قویان قوتیلمس.
- آز-آز اۉرگنیب دانا بۉلور.
- اوزاقده‌گی بوغدایدن کۉره یقینده‌گی سامان یخشی.
- قۉرققن آلدین مُشت کۉترر.
- اېکیننی اېرته اېککن حاصلینی اېرته اۉرر.
- کۉپنی کۉرگن کۉپ بیلر.
- آز سۉزله، کۉپ تینگله!
- بیرنی بیراو بېره‌دی، کۉپنی محنت بېره‌دی.
- کۉپ بیلگن آز سۉزلر، آز سۉزلـَسه هم ساز سۉزلر.
- علملی کیشیلرنینگ عمری ایکـّیته.
- قرّی بیلگننی پری بیلمس.
- یاتیب یېگنگه تاغ هم چیده‌مه‌یدی.
- تۉده‌دن اجرلگن تۉرگه توشر.
- بخیل احساندن قاچر، خسیس مهماندن.
- قازانگه یقین یورسنگ قاره‌سی یوقر، یامانگه یقین یورسنگ بلاسی.
- یاماندن شیطان هم قاچر.
- غرور، غربتگه سالر.
- مقتنچاق‌نینگ ماتی چیقر، جام قازان‌نینگ تاتی چیقر.
- بویورگن آشگه تیش تېگر، یاز تېگمـسه قیش تېگر.
- درد کېلگنده درمان کېتر.
- درد کېتگنده اویقو کېلر.
- قیرغیگه چیده‌گن، قیرق بیریگه هم چیدر.
- گلنی کۉرماقچی بۉلسنگ باققه چیق!
- اېر نامیدن اېر آقلر، اېر نامینی اېل سقلر.
- قدرله‌سنگ قدرینگ آشر، قدرسیزدن همه قاچر.
- ایش اشتها آچر، دېنگسه ایشدن قاچر.
- یخشی قند یېدیرر، یامان پند یېدیرر.
- تۉغری تیل تاش یارر، اېگری تیل باش یارر.
- قۉلینگدن کېلسه ایشینگنی بیر دقیقه هم کېچیکتیرمه!
- یالغان اَیتیب فایده کۉرسنگ آخریده ضرر تاپه‌سن.
- بیلیملی بۉله‌ی دېسنگ کۉپ اۉقی، وظیفه‌نگنی اۉز وقتیده بجر!
- اگر سېن آدم بۉلسنگ، خلققه غمخوارلیک قیلمه‌یدیگن کیشیلرنی آدم حسابلمه!
- حرمت قیلسنگ حرمت کۉره‌سن.
- اېل سېنگه چۉزسه قۉل، اونگه دایم صادق بۉل!
- تۉغری دۉستدن اَیریلمه!
- توز یېگن یېرینگده توزداننی سیندیرمه!
- آینی اېتک بیلن یاپیب بۉلمس.
- اېلده باری سېنده بار.
- اۉزینگنی اېر بیلسنگ، اۉزگه‌نی شېر بیل!
- مینگ قوشچیگه بیر باشچی.
- بیری کتـّه‌نینگ گپیگه کیر، بیری کیچیک‌نینگ!
- ایکـّی اۉن بېش - بیر اۉتـّیز.
- تۉغری اوزه‌دی، اېگری توزه‌دی.
- داری اچـّیق، تأثیری شیرین.
- سوولر تینیق، یپراقلر آلتین.
- بایلیگیم ساغلیگیم – ساغلیگیم بایلیگیم.
- آلمه‌نی آتیب آلگونچه دم غنیمت.
- بخاراده مالی بارنینگ کۉنگلی تۉق.
- تېنتک باتیر تېز اۉلر.
- ادبلی باله اېگه منظور.
- ساغلیک تیله‌سنگ کۉپ یېمه، عزت تیله‌سنگ کۉپ دېمه!
- تېنتککه تېل بېرمه، قۉلیگه بېل بېرمه!
- یخشی خط آدمگه زینت.
- ایش بۉلسه خیر کېلر.
- یامان یۉلداش یاو بۉلر، روان یۉلده غاو بۉلر.
- بدبخت‌نینگ آنه‌سی تنبللیک، آته‌سی قۉرقاقلیک‌دیر.
- اۉلتیرگن قیز اۉرین تاپر.
- اېر ییگیت – شېر ییگیت.
- اېرنینگ وزیری خاتین.
- اېر بۉلگن یېر ساتمه‌یدی، یېر ساتگن اېر بۉلمه‌یدی.
- بیتمس تۉن‌نینگ یېنگی ییتر.
- تـَنیمسنی سَیله‌مس.
- مامه‌نگ زرنی کۉرسه نر بۉله‌دی.
- کم-کم، تېز-تېز.
- اۉخشتمسدن اوچره‌تمس.
- یۉقلیک نیمه یېدیرمس، بارلیک نیمه دېدیرمس.
- خۉراز گردنمه-گردن بۉلسه، اوروشی حساب اېمس.
- اربابی بۉلمه‌گن قیشلاقده اېچکی‌نینگ نامی عبدالکریم خان بۉله‌دی.
مطلبنی اۉرتاقلـَشیش:
اۉزینگیز اوچون علیحده حساب آچیب، اۉزبېک تیلیده‌گی ایسته‌گن متنینگیزنی اوشبو سایتگه جایلشتیرینگ.