منگو پیدیا
اۉزبېک متنی بۉییچه اېنگ کتـّه منبع
قـَیریلگن قناتلر
قیریلگن قناتلر – قصه ژانریده یازیلگن و لبنان-امریکالیک مشهور یازووچی جبران خلیل جبران قلمیگه منسوب بۉلیب، دنیانینگ کۉپ اۉقیلگن نثري اثرلریدن بیری‌دیر. اوشبو اثر کۉپ تیللرگه اۉگیریلیب، اۉقووچیلر تامانیدن جوده یخشی قرشی آلینگن. اثر اصلیده یازووچی تامانیدن عرب تیلیده یازیلگن بۉلیب، اونی 2007- ییلده اۉزبېکستانلیک یازووچی فیض شاه اسماعیل روس تیلیده‌گی ترجمه‌سی اساسیده اۉزبېک تیلیگه اۉگیرگن.
کتابده یازووچی – جبران خلیل جبران‌نینگ سلمه کرمي ناملی سېوگیلیسیگه بۉلگن محبتی و معشوقه‌سی حیاتیده یوز بېرگن اچّیق حادثه‌لر چیرایلی روشده یاریتیلگن بۉلیب، قصه نامراد سلمه کرمي و اونینگ اېندی‌گینه دنیاگه کېلگن فرزندی اۉلیمی بیلن توگه‌یدی.
اثرنینگ یازیلیش اسلوبی، اونده‌گی تصویرلر، حادثه‌لر بیانی، یازووچی‌نینگ چوقور فلسفي فکرلری بیانی، موضوعلرنینگ بیر-بیراوی بیلن باغلنیلیشی، همده سحرلی سۉزلر و بدیعي ترکیبلرنی اۉز اۉرنیده تېریش بۉییچه اۉزیگه خاص بیر شېوه‌دن فایده‌لنیلگن. بو اېسلنگن موضوعلر اۉقووچی‌نینگ دقت-اعتبارینی یېترلی درجه‌ده اۉزیگه تارته‌آله‌دی.
اوشبو قیمتلی اثر محنتکش و استعدادلی یازووچی، ترجمان و ژورنالیست محمد حسن تۉلقین تامانیدن عرب-اۉزبېک رسم‌الخطیگه اۉگیریلیب چاپگه تیارلندی.
مطلبنی اۉرتاقلـَشیش: