منگو پیدیا
اۉزبېک متنی بۉییچه اېنگ کتـّه منبع
لطفي غزلی‌نینگ نثري بیانی
اۉگیرووچی: محبوب الله توران
غزل
نېتیب اۉلمه‌یین که چیقسه یوزی بـُرقعین کۉتاریب،
قاشی باشلـَغه‌ی جفانی، کۉزی فتنه‌لر قۉپاریب.
مضمونی: (گۉزه‌لیم) یوزیدن نقاب/بورونچگینی کۉتریب چیقسه، قاشی جفا اۉقینی یاغدیره‌دی، کۉزیدن اېسه فتنه‌لر قۉزغاله‌دی؛ بونی کۉریب اۉلمه‌ی بۉله‌دی‌می؟
کۉرونگ اول قرا کۉز آلین کیم اېرور یوزومده منکر،
نېچه کیم یوره‌ک قانیندین دوداغی تورور قیزاریب.
مضمونی: اول قاره کۉز منگله‌ییگه باقینگیز، دوداغی مېنینگ یوره‌گیم قانینی سۉرگنلیگینی کۉرستیب تورماقده؛ کۉزی‌نینگ قیزیللیگی هم شو سببدن‌دیر. لېکن او کۉز اۉنگیمده توریب انکار اېته‌یاتیر.
قلم اۉیله باردی اېلدین قرا کۉزی وصفیده کیم،
قرادین قراغه اوچ آی آنی اېلتتیلر کۉتاریب.
مضمونی: قۉلیمده‌گی قلم اونینگ قاره کۉزینی وصف قیلیشی اوچون اوچ آی قاره بۉیاق تـَشیش و اونی قلم رنگی قیلیش احتیاج بۉلدی.
ویا
کۉز قاره‌چیغی مېنی بې‌هوش قیلدی، قاره کۉزینی وصف قیلماقچی بۉلگن قلم قۉلیمدن توشدی. اونی قـَیتیب اېلگیمگه توتقزیشلری اوچون اوچ آی وقت اۉتدی.
اېسلتمه: «قرادن قراغه» دېگنی قاره قلمنی قاره باسگن شاعرگه کېلتیریب بېریش معناسینی انگلته‌دی.
کۉز آقردی و یوزین بیر تۉیه کۉرمه‌دیم، رقیبا،
نېچه زلفی‌تېک قفاگیر اۉله‌سېن یوزونگ قراریب.
مضمونی: یاش تۉکه‌بېریب قاره کۉزلریم آقریب کېتدی، یوزیدن بیر هم تۉیه آلمه‌دیم. اې رقیب! قچانگه‌چه اونینگ آرقه‌گه تشلنگن زلفیگه اۉخشب کېتیمدن یوره‌بېره‌سن؟
مېنگی حسرتینده لطفي اۉلر اۉلسه غمزه بیرله،
باری داغِ عشق تاپقه‌ی یوره‌گینه باقسه یاریب.
مضمونی: اونینگ مېنگی (خالی) حسرتی-یو قییا باقیشیدن لطفي (شاعر) اۉلر بۉلسه، یوره‌گینی یاریب کۉرینگ، اونده یالغیزگینه عشق داغینی تاپه‌سیز خلاص.
مطلبنی اۉرتاقلـَشیش: