بیر کونی چال بیلن کمپیر قیزلرینی دریا نینگ نریگی تامانیده‌گی قیشلاقده یشه یدیگن بیر عایله‌گه بېره‌دیگن بۉلیشیبدی. بونی اېشیتگن قیز راسه‌ خفه‌ بۉلیب ییغلبدی. چونکه‌ قیز او تامانگه کېلین بۉلیب توشیشنی هېچ خواهله‌مس اېکن. لېکن چال بیلن کمپیر اۉز ایتگنلریدن قَیتمه‌ی، قیزلری نینگ رأییگه قره‌شمه‌بدی. شونده قیز:- مېن دریا نینگ او بېتیگه کېلین بۉلیب توشسه‌م، بیرته ‌- ایکّیته باله‌لیک بۉلگنیمده، اۉز اوییمگه کېله‌یاتگنیمده بیرینی کۉتریب، ایکّینچیسینی یېته‌کلب آلگن بۉله‌من. شونده یېته‌کلب کېله‌یاتگن باله‌م دریاگه توشیب کېتسه، تاپه آلمه‌ی راسه‌ ییغلب اۉتیرسه‌م، - دېب، آنه‌سی نینگ یانیگه باریب ییغله‌ی باشلبدی. کمپیر:

- نېگه‌ مونچه ییغله‌یه‌پسن، قیزیم؟ - دېب سۉره‌بدی. قیز حلیگی گپلرینی قَیتریب، ییغله‌یوېریبدی. بو گپنی اېشیتیب، کمپیر هم ییغلشگه توشیب کېتیبدی. بیر پیت چال کېلیب قره‌سه، کمپیری بیلن قیزی ییغلب یاتیشیبدی. چال ییغی نینگ سببینی سۉره‌سه، قیزی ینه‌ اۉشه‌ گپلرنی قَیتریبدی. چال هم ییغلشگه توشیبدی. شونده‌ی قیلیب اوچه‌له‌لری راسه‌ ییغله شیبدی. آخری چال بیلن کمپیر قیزلرینی نریگی تاماندن کېلگن ساوچیلرگه بېرمسلیککه راضی بۉلیشیبدی.