منگو پیدیا
اۉزبېک متنی بۉییچه اېنگ کتـّه منبع
بابا (نوایي بابامیز حقیده)
ایشانچ تۉره
تورنتو - کانادا
بابا
بابا، سۉزنینـــــــگ چۉغینی تازه قیلدینگ،
تېرَن معنــــــــــالرین آوازه قیـلـــدینگ.
چوچیک سۉزیمگه اۉلمس جان کییوردینگ،
تفکّــرنی تــــره‌تماققــه بــویــوردیـنگ.
سۉزینگدن جــــــــان تاپدی تورکي عالم،
نه یالغیــــــــــز تورکي عالم، بـرچه آدم.
دُر و گوهـــــر قۉلینگدن اېلگه ساچدینگ،
سکوت آقشـــامیـــده کۉزیمـنی آچدینگ.
قۉیاش‌دېـــــک اۉیلرینگ روحیم یاریتدی،
کلامینــــگ جلوه‌سی عالمنی تـــوتــدی.
تیلــــــیمــنی اۉیلــریمـده بـار قیلدینگ،
اۉزیمــــــنی اۉزلیگیمــگه یــار قیلدینگ.
بـابـا، سېنـــــــــدن جانیم تـاپدی نـوالر،
سینیق روحیمــــــــــده‌گی بیتـدی یرالر.
تفکّـر رشته‌سین تویغودن اېشـــــــدینگ،
منگو قۉشیـق قیلیب جانیمگه قۉشــدینگ.
سۉزینگنی فکر و حکمتگه یوغـــوردینگ،
بشر حسّینی اېزگــولیککه بـــــوردینـگ.
بــوتـون دېــوانلرینگ‌دیر درد بـاغــــی،
حیات‌نینگ پارله‌گووچی گـُل چراغـــــی.
تـوغیلگن کـونده سېنی یـــــــاد اَیله‌ی،
اجـازه‌ت بــېر مبارک بـــــــــاد اَیله‌ی.
پـریشـان سـۉزلریــمده مهــــــر پنهان،
اگـرچـه صنعتیمـــده بـــــــار نقـصان.
قۉلیمدن اوشله، باشقــر، یۉل ییـــراقدیر،
کمالگه یۉلـــله‌ماغینگ یخشـــی‌راقدیر.
قـۉلیم بـش‌دیر، بابا، چنقاق دلیــــم بار،
شعـوریمـــده یېتیلگن حاصلیــم بـــار.
اونـی کویله‌ی دېسم آواز بېـــــــرگیل،
بویوک ایجاد سری پــرواز بېـــــرگیل.
اولوغ کونلرده اېسلش یخشـی إیش‌دیر،
ادا قیلماق حقینــگ بیـزگه یومیش‌دیر.
اۉز یورتینگـده مقامینـگدن خبر یــۉق،
سېنی انگلشگـه إیشــــلردن اثـر یۉق.
مزارینگنی کۉریب بغـــریم اېـــزیلدی،
کۉزیمده تیرقیره‌ب یاشلر تیـــــزیلدی.
مزارینــگ «اۉقچی دوکانیگه اۉخشر»،
شو اۉقلردن روحینگ بې‌زاوتــه، ققشر.
یاووز روحلر سېنی بېگانــه تــوتگه‌ی،
بو إیش بیرلن یوره‌ک اۉیین ساوتگه‌ی.
یاشیم یېتیب، بابا! مودره‌ب ییـــقیلسم،
قریلیک آغریغین تارتیب سیقیــــلسم.
توررگه سۉزلرینگ-له کـــوچ عطا بېر،
توگنمس دولتینگ مېنــــــگه توتابېر.
قلم میــــــــدانیده قد راست تورسم،
اۉمنچیم آلتــی یوز یاشینگنی کۉرسم.
قۉلیم، قۉینیم تۉلیب، بارســم تۉیینگه،
خســــته بو چالنی هم چارله اویینگه.
کېلر کوز خرمانیمنی ینچیب آلــــسم،
تفکّر مېوه‌سین سفره‌نگه سالـــــسم.
شونغیب کېتسم سۉزینگ آسمانی بۉیلب،
قیدیرســــم کان ینه بۉی-یانی بۉیلب.
تاپیب چیقسم دُر و آلماس کانـــدین،
ساوورسم جان باشیگه هر تامانــدین.
اونی جان بۉینیگه اېتسم حمایـــــل،
یششگه ذوقمند اېللرنی نایــــــــل.
مطلبنی اۉرتاقلـَشیش: