منگو پیدیا
اۉزبېک متنی بۉییچه اېنگ کتـّه منبع
تینچلیک، حیات دېمک‌دیر
یازووچی: محبوب الله توران
آنه چۉمچوقچه اۉزی‌نینگ میتتی‌گینه باله‌سینی قۉریقلب، تومشوغیگه قیستیریب، سکونتگاه ایزلب یاغاچمه-یاغاچ اَیله‌نیب یورگنینی کۉرگن‌میسیز؟
خوف‌سیزلیک؛ پایان‌سیز چۉللرده، تاش یوره‌ک آوچی دستیدن راحتی بوزیلیب، اۉز عزیز جانینی اسره‌ش مقصدیده بوقینیب، بېرکینیب حیات کېچیره‌دیگن کییکچه‌نینگ دل ایستـَگی‌دیر. راحت حیات کېچیریش؛ نادان و ناپروالر آنه طبیعتنی، دریا و دېنگیزلرنینگ بې‌پایان سووینی بولغب، افلاس اېتگنی سببلی، سوو بغریده هم آسایشده بۉلمه‌گن موجودات‌نینگ اۉتینچی، تیلـَگی‌دیر. تینچلیک اېسه؛ اوروشلر و ناتینچلیکلر کلفتی سببلی جانیدن-ده عزیز آته‌سی و آنه‌سی‌نینگ قیپ-قیزیل قان بیلن بۉیلگن و قیرق پرچه‌لنگن جسمینی تماشا اَیلب اۉکچه اورگن، کۉزلریده قان قـَیران بۉلیب فریاد تارتگن گۉدک-باله‌نینگ تیریکچیلیکدن کوتگن سۉنگگی اُمیدی‌دیر.
تینچیلک، آنه طبیعت قۉینیده آرام اولغه‌ییش؛ تینچلیک، موجودات‌نینگ ازلي ایستـَگی؛ بیرته سۉز بیلن اَیتگنده، تینچلیک، حیات دېمک‌دیر.
مطلبنی اۉرتاقلـَشیش: