منگو پیدیا
اۉزبېک متنی بۉییچه اېنگ کتـّه منبع
تۉغری یازیش
قۉلینگیزدهگی «تۉغری یازیش» عنوانلی اوشبو کتاب، تنیقلی یازووچی حرمتلی دوکتور عزیزالله ارال قلمیگه منسوب. اونده اساساً اۉزبېک تیلینینگ املا قاعدهلری حقیده معلومات بېریلهدی.
بیزگه معلوم که اۉزبېک تیلینینگ عرب رسم الخطیده همه بیر خیل قبول قیلهدیگن املا قاعدهلری حلی هم شکللنمهگن. بو اېسه تیلیمیزنینگ قرشیسیدهگی بیر معماگه ایلنیب قالگن. اوشبو اثر عیناً منه شو قیینچیلیکنی برطرف اېتیش مقصدیده ترتیب بېریلگن. اونده یازووچی بیر قطار قۉشیمچهلرنینگ قندهی یازیلیشی بارهسیده تۉختهلیب، او حقده کېرهکلی معلوماتلرنی سیغدیرهدی. شونینگدېک، او عرب-اۉزبېک یازووینینگ تاریخي باسقیچلری حقیده هم معلومات بېریب، بو باسقیچلرنی بېشته علیحده مرحلهگه بۉلیب اولر تۉغریسیده قیمتلی تفصیلاتنی بېریب اۉتهدی.
اَیتیش لازم که اوشبو اثر، یقینده «قدیمگی خراسان نشریاتی» آرقهلی 1000 سانده کابل شهریده نشردن چیقدی. اونینگ چاپ اېتیلیشی اوچون بریتانیادهگی «بهار بنیادی» و «افغانستان تورکلری اویوشمهسی (ATA) مالي یاردم قیلگن.
مطلبنی اۉرتاقلـَشیش: